Kaspiy diñgezen büleşälär

5 il däwlät başlığı 29 nçı sentyabrdä Kaspiy diñgezen üzara büleşü mäs’äläse xaqında söyläşü öçen Rusiyäneñ Ästerxan qalasında cıyıla.

Rusiya Federatsiyäse däwlät başlığı Vladimir Putin, Azärbaycan ilbaşı İlham Aliyev, İran ilbaşı Xasan Ruhani, Qazaqstan däwlät başlığı Nursoltan Nazarbayev häm Törekmänstan däwlät başlığı Gurbanguli Berdimuxammedov qatnaşaçaq 4 nçe Kaspiy yuğarı däräcäle oçraşuınıñ töp mäs’äläse- Kaspiy diñgezeneñ xoquqi statusı.

Elegräk barı tik Sovetlar Belege belän İran arasında büleşelgän Kaspiy diñgeze Berlekneñ tarqaluınnan soñ küp sanlı il arasında yañadan büleşü söyläşüläre başlandı.

İllär xärbi häm geopolitik mänfäğätläre, Kaspiydağı bay neft häm tabiği gaz çığanaqlarınnan tağın da kübräk öleş alırğa teläw arqasında status mäs’äläsendä bügenge köngä qadär kileşü tä’min itä almadı.

Kaspiy diñgeze belän yar buyı bulğan Rusiya , Azärbaycan häm Qazaqstannıñ diñgez töben büleşü turında kileşüe bar.

Bu mäs’älädä İran häm Törekmänstan belän kileşü tä’min itelmägän , Mäskaw citäkçelege diñgez öslegeneñ milli töbäklärgä bülenüe fikeren yaqlıy.

Kaspiynıñ kül bularaq qabul itelüe kiräklegen yaqlawçı Rusiya, monnan uzaçaq ütkärgeçlärdä barlıq illärneñ raslawı buluı kiräklegen taläp itä.

Azärbaycan, Törekmänstan häm Qazaqstan bu täqdimgä bik uñay qaramy.