Obama:"Eboladan kiläse aylarda yöz meñnärçä keşe ülärgä mömkin"

Amerika Quşma Ştatları ilbaşı Barack Obama ebola kizüeneñ regional häm global iminlekkä yanawçı qurqınıçqa äwerelüen belderde.

Obama Berläşkän Millätlär Oyışmasında ütkärelgän “Ebola” temalı yuğarı däräcäle cıyılışta ebola virısınıñ zur tizlek belän taraluına basım yasadı.

AQŞ ilbaşı:” Ägär kontrol astına alınmasa bu kizüdän kiläse aylarda yöz meñnärçä keşe ülärgä mömkin”,-dide.

Liviya , Gvineya häm Syerra –Leoneda däwlät sälamätlek saqlaw sistemalarınıñ awır xäldä buluın , iqtisadi üseşneñ bik äkrenäyüen belderüçe Obama, kizü tuqtatılmağan oçraqta , xastalıqnıñ töbäkta faciğağa säbäp bulaçağın assızıqladı.

Amerika Quşma Ştatlarınıñ xastalıq belän köräş öçen üzennän öleş kertüen belderüçe AQŞ ilbaşı Barack Obama bu köräşne yalğız başına däwam itterü mömkin bulmawın , başqa illärneñ dä yardäm kürsätüe kiräklegen citkerde.