"Rusiyä Ukrainadağı suğışta qatnaşa"
Xalıqara yarlıqaw oyışması Rusiyäneñ Ukrainadağı suğışta qatnaşuınıñ monnan arı inqyar itelä alınmayaçağın belderde.
Oyışma yasağan belderügä kürä, iyärçen sürätläre Rusiyä Federatsiyäseneñ xärbi qatışuın anıq räweştä bilgele itä.
Şul uq waqıtta Xalıqara yarlıqaw oyışması häm Rusiyä tarafdarların, häm dä Kievnı xärbi cinayät yasawda gäyepläde.
Xalıqara yarlıqaw oyışması Ğomum särkätibe Salil Shetty Ukraina başqalası Kievta yasağan belderüendä Rusiyäneñ Ukrainanıñ könçığışında çılbırlı texnika häm tup atu qoralların cıyuına qağılışlı qullarında yaña iyärçen sürätläreneñ buluın äytte.
Shettykä kürä, Mäskäw turıdan-turı suğışta qatnaşmasa da, Rusiyä tarafdarların oyıştıra, alarğa boyırıqlar birä.
Rusiyä Federatsiyäseneñ Rusiyä yaqlı törkemnärgä yärdäm itüeneñ dä xätta bu ilne cawaplı torışqa kiterüen assızıqlawçı Shetty Ukrainadağı suğışta häm Kievnı häm dä Rusiyä tarafdarların xärbi cinayät yasawda gäyepläde.
Shetty Ukraina ğäskäreneñ könçığıştağı toraq punktlarında xärbi bulmağan maqsatlarnı da niçek turı kilsä şul räweşle bombalawın häm üzixtıyarıylar yasağan xärbi cnayätlärne totqarlamawın äytte.
Rusiyä Federatsiyäse Ukraina cirlärendä xärbiläreneñ buluı gäyepläwlären kire qağa, NATO isä Ukrainada berniça meñ Rusiyä xärbiyeneñ buluın raslıy.
