Medvedev: "Rusiyä hawa kiñlegen yaba ala"
Dmitriy Medvedev Könbatış illäreneñ Rusiyägä qarşı tarmaq bazasında sanktsiya qullanuına bärabär Rusiyä hawa kiñlegen yaba alaçaqların belderde.
Rusiyä Federatsiyäse Premyer-ministrı Medvedev: "Ägär bezneñ energetika häm finans tarmağına qağılışlı yaña sanktsiyälär bulsa, bez bu çikläwlärga cawap biräçäkbez”, - dip äytte.
Könbatış hawa yulı şirkätläreneñ Rusiyä hawa kiñlegen qullana almağan oçraqta bankrot bulaçağın alğa sörüçe Medvedev waqiğalarnıñ mondıy naçar tsenariy nigezendä tormışqa aşuın telämäwlärenä basım yasadı. Medvedev: "Könbatış urtaqlarıbıznıñ (partnyorlarıbıznıñ) monı abaylap aluların telär idek”, - dip äytte.
Medvedev Könbatış illäre belän Rusiyä arasındağı sanktsiya suğışlarınıñ Ukrainadağı krizisnıñ çişeleşenä bernindi öleş kertmäyäçägen, kiresençä global iminlek sistemasına yanawın rasladı.
Awrupa Berlege xoquqçıları isä Rusiyä hawa kiñlegen yapqan oçraqta yöz millionnarça dollar kompensatsiya tülärgä mäcbür bulaçağın belderä.
Şul uq waqıtta Awrupa Berlege Rusiyä Federatsiyäseneñ “Gazprom” belän ber rättän qayber zur şirkätlären sanktsiya isemlegenä kertte.
