Ğäräp Ligası xärbi xäräkät ütkärergä mömkin

Ğärap Ligası ğomum särkätibe Näbil Arabi cıyılışnıñ berençe utırışında “Ğiraq-Dimäşq İslam däwläte" oyışmasınıñ Ğiraqtağı xäräkäteneñ barı tik däwlät avtoritetına ğına tügel, ber ük waqıtta "turıdan-turı Ğiraq däwläteneñ häm başqa däwlätlärneñ barlığı"na qarşı kilüen äytte.

Arabi “Ğiraq-Dimäşq İslam däwläte" terror oyışmasına qarşı xärbi, säyäsi, iqtisadi häm mädäni bularaq qarşı toru öçen anıq häm töğäyen qararğa kilergä çaqırdı.

Näbil Arabi terror oyışmasına qarşı xärbi xäräkätneñ Ğäräp Ligasınıñ urtaq saqlanu paktı qısalarında ütkärelä alınaçağın äytte.

Qahirädäge yuğarı däräcäle oçraşunıñ yomğaq beldergesendä Ğäräp Ligasınıñ tışqı eşlär ministrları “Ğiraq-Dimäşq İslam däwläte" terror oyışması belän köräş öçen kiräkle böten çaralarnı kürü häm xalıqara, regional häm milli tırışular belän xezmättäşlek urnaştıru mäs'äläsendä kileşte.