Ukraina: "Rusiyä cirlärebezne basıp aldı"
Mäskäw isä bu raslawlarnı kire qağa
Ukraina iminlek häm saqlanu şurasınıñ raslawına kürä, çik buyındağı Novoazovsk şähäre belän ilneñ könyaq-könçığışında urnaşqan qayber toraq urınnarı urıs xärbiläre belän bergä qarşı höcümgä küçkän Rusiyä tarafdarlarınıñ qulına küçte.
Awrupa İminlek häm Xezmättäşlek oyışmasındağı Ukraina wäkile şähärneñ Rusiyäneñ daimi xärbi köçläre tarafınnan basıp alınuın alğa sörgän bulsa, Rusiyä wäkile: “Hiçber Rusiyä ğäskäriye çik buyın uzmadı”, - dip äytte.
“Reuters” agentlığı çik buyınıñ Rusiyä yağınnan 3 çaqrım aryağında Rusiyä çılbırlı texnikasınıñ urnaştırıluın xäbär itte.
Rusiyä tarafdarları da aralarında Rusiyä Federatsiyäsennän kilgän 3 meñ üzixtıyarıynıñ buluın açıqladı.
Novoazovsktan çigennän Ukraina ğäskäre Mariupoldağı köçlären arttıra.
Mäs’älä belän bäyle belderü yasawçı Ukraina Däwlät başlığı Petro Poroşenko bäreleşlärneñ köçäyüe arqasında Törkiyä säfären ğämäldän çığardı.
Monnan elek Rusiyä yaqlı separatistlar Ukraina ğäskäreneñ çigenüe arqasında Ukrainanıñ könyaq-könçığışındağı Azov diñgezenä barıp citkän ide.
