Ebola virusına qarşı çaralar arta

Sierra Leonedä ebola virusın yoqtırğan Bötendönya sälamätlek saqlaw oyışması xezmätkäre däwalanır öçen Germaniyaneň Hamburg şähärenä cibärelde.

Epidemiyaneň illärenä cäyelüenä qomaçawlarğa telägän Frantsiya xökümäte isä Sierra Leonedäge frantsuz watandaşların qısqa waqıtta ildän kitärgä çaqırdı.

İkençe yaqtan ber ingliz watandaşı virusnı yoqtırğannan soň açıqlaw yasağan Sälamätlek saqlaw ministrı virusnıň ilgä cäyelü riskınıň tübän buluın äytte.

Bötendönya sälamätlek saqlaw oyışması sörän saldı.

Virusnı yoqtırğan oyışma xezmätkäre däwalanır öçen Germaniyaneň Hamburg şähärenä cibärelde.

Waqiğadan soň Sierra Leonedağı laboratoriya da yabıldı.

İkençe yaqtan virusnı yoqtırğan ingliz watandaşı xastaxanädä däwalana.

Angliyaneň Sälamätlek saqlaw ministrı Jeremy Hunt virusnıň ilgä cäyelü riskınıň bik tübän buluın belderde.

Bu waqıtta Frantsiya xökümäte Sierra Leonedağı frantsuz watandaşların qısqa waqıtta ildän kitärgä çaqırdı.

Xökümät hawa yulı şirkäte Air Franceka Sierra Leoneğa oçqıç safärlären ğamäldän çığarırğa täqdim itte.

Bügenge köngä qadär Könbatış Afrika illärendä epidemiya belän köräşüçe sälamätlek saqlaw xezmätkärlärennän 240 keşe virusnı yoqtırdı, alarnıň yartısı yaqtı dönyadan kitte.

Birelgän mäğlümatqa kürä Könbatış Afrika illärendä 100 xastağa 1 yäisä 2 tabib qarıy ala.

İctimağıy cämğiyät oyışmaları da ebola virusına qarşı eşçänleklären däwam itterä.

Çik tanımawçı tabiblar oyışması ebola virusına qarşı köräş belän bäyle belem birä başladı.

5 ay eçendä, ayıruça, Nigeriya, Sierra Leone, Liberiya kebek şaqtıy Könbatış Afrika ilendä virusnı yoqtırğan 3 meň keşedän meň 427eseneň ğomere özelde.