İzrail höcümnären natsist qorbannarı da gäyepläde

Amerikada yäşäwçe 300 tiräsendä natsist qorbanı yähüdlär häm balaları İzrailgä rizasızlıq belderelgän xatnı “New York Times”ta bastırdı. Xatta İzrailneñ Ğazzä höcümnäre häm yawlap aluı gäyepläna.

Şul uq waqıtta Ğazzäneñ tönyağına oyıştırılğan höcümdä 2 keşe ülgän, 4 keşe yaralanğan.

Ğazzädä Täl äl Hawa mäxälläsendäge 12 qatlı binağa 2 tapqır yasalğan hawa höcümendä bina cimerelde, 22 keşe yaralandı.

İzrail ğäskäre “Hamas” wäkilen maqsat aluın rasladı, fäqät böten binanı bombaladı.

Höcümnär däwam itkän bulsa, Fälästin däwlät başlığı Mahmud Abbas Misır İlbaşı Abdülfättah äl Sisi belän Qahirädä oçraştı.

Misır taraflarnı söyläşülärgä däwam itärgä çaqırdı.

Fäqät “Hamas” Qahirädäge söyläşülärdä qatnaşaçaqmı, yuqmı ikänlegen beldermäde.

İzrailneñ 7nçe iyüldän birle Ğazzägä oyıştırğan höcümnärdä ülüçelärneñ sanı 2 meñ 105kä, yaralanuçılar da 10 meñ 631kä citte.