Ğazzä qabat ut astında

Hamasnıñ raketa ırğıtuın äytkän İzrail Premyer-ministrı Binyamin Netanyaxu armiya berleklärenä höcüm itärgä boyırdı.

Netanyahu Qahirädäge söyläşülärdä qatnaşqan wäkillekkä dä İzrailğa qaytırğa ämer itte.

Hamastan isä bernindi açıqlaw yasalmadı.

Daimi tınıçlıq urnaştırıla alınmağan töbäktä İzrail häm Fälästin arasında tirän kileşmäwçänlek bar.

İzrail 7nçe iyul könne başlatqan höcümnärdä kübese xatın-qız häm bala-çağa bulğan 2 meñnän artıq Fälästinle yaqtı dönyadan kitte, 10 meñ keşe dä yaralandı.