Ğazzä hawa kiñlegendä İzrail oçqıçları

İzrail ğäskäre çärşämbe könne 72 säğätlek utnı tuqtatunıñ betüenä äz waqıt qalğanda Ğazzädän İzrailgä raketa höcümeneñ oyıştırıluın alğa sörde.

Kim digändä 5 raketa ırğıtıluın raslawçı İzrail ğäskäre Ğazzädä qayber maqsatlarnıñ bombalanuın belderde.

“Hamas” xäräkäte isä İzrail ğäskäreneñ raketa ırğıtıluına qağılışlı raslawınıñ döreslekkä turı kilmäwen açıqladı.

“Hamas” süzçese “Qassam” brigadalarınıñ nindi dä bulsa ber höcüm oyıştırmawın äytte.

Qahirädäge söyläşülärne alıp baruçı Fälästin wäkillegeneñ başlığı Azzam äl-Äxmäd isä İzrail belän Fälästin törkemnäre arasındağı utnı tuqtatunıñ tağın 5 köngä ozınaytıluın citkerde.

İzrail yağınnan mäs’älägä qağılışlı belderü älegä yasalmadı.

Utnı tuqtatunı tağın 5 köngä ozınaytıluınnan 35 minuttan soñ İzrail xärbi oçqıçları Ğazzä sektorınıñ törle urınnarına 4 hawa höcümen oyıştırdı. Höcümnärdä igen-basular häm bu cir mäydannarı bombalandı.

Räsmi organnardan höcümnärgä qağılışlı bularaq älegä belderü yasalmağan bulsa, İzrail xärbi oçqıçlarınıñ Ğazzä hawa kiñlegendä oçuı assızıqlandı.

Taraflar çärşämbe könne tönlä betkän utnı tuqtatunıñ ozınaytıluı öçen Misır başqalası Qahirädä turıdan-turı bulmağan söyläşülär ütkarä ide.

İzrailneñ 7nçe iyüldä başlağan höcümnärendä xäzergä çaqlı kübese tınıç xalıqtan 1900dan kübräk Fälästinleneñ ğomere özelgän.