Rusiyädän Qırğızstanğa 500 million dollarlık yärdäm

Qırğızstan däwlät başlığı Almazbäk Atambayev düşämbe könne Rusiyä Federatsiyaseneñ Soçi şähärendä Vladimir Putin belän küreşep söyläşte.

Qırğızstan ilbaşı idaräseneñ matbuğat üzägennän yasalğan açıqlawda Atambayev-Putin söyläşüendä ike yaqlı mönäsäbätlärneñ üsüe mäs’äläseneñ qaraluı belderelgän waqıtta ike il xökümätläre arasındağı xezmättäşlekneñ yuğarı däräcädä buluınıñ qanäğatlek belän citkerelüe urın aldı.

Atambayevnıñ Qırğızstannıñ strategik partnerı häm qardäşe Rusiyä belän mönäsäbätlärne nığıtu häm üsterüne maqsat itülären assızıqlawı belderelde.

Rusiyä Federatsiyase, Belarus häm Qazaqstan äğza bulğan Tamğaxanä berlegenä äğza bulır öçen xökümätneñ tırışlıq kürsätüen xäterlätkän Atambayevnıñ kürsätelgän yärdäm belän Tamğaxanä berlegenä bıyıl äğza bulırğa teläwlären äytüe açıqlandı.

RİA Novosti xäbärenä kürä Putin-Atambayev söyläşüennän soñ jurnalistlarğa açıqlaw yasağan Rusiyäneñ Tışqı eşlär ministrı Sergey Lavrov Qırğızstan iqtisadınıñ tiz räweştä Awraziya integratsiya barışlarına ahäñ tä’min itüe öçen 500 million dollarlık yärdämneñ kürsätelüe qararınıñ qabul itelüen belderde.

Qazaqstan başqalası Astanada 29nçı may könne uzğan Awraziya Tamğaxanä berlegenä äğza il liderları oçraşuında Qırğızstannı Tamğaxanä berlegenä quşaçaq yul kartası qabul itelde, 26nçe iyul könne Awraziya Tamğaxanä Berlegenä äğza bulır öçen Qırğızstan xökümäte söyläşülär başlatqan ide.