Putin Azärbaycan häm Ärmänstan liderların oçraştırdı
Liderlar xökümätlär däräcäsendä dialognı däwam itterü qararın qabul itte
Rusiyä Federatsiyase däwlät başlığı Vladimir Putin Tawlı Qarabax probleması belän bäyle bularaq Azärbaycan häm Ärmänstan liderların oçraştırdı.
Cıyılışta liderlar xökümätlär däräcäsendä dialognı däwam itterü qararın qabul itte.
Rusiyäneň Tışqı eşlär ministrı Sergey Lavrov birgän mäğlümatqa kürä Azärbaycan ilbaşı ilham Aliyev belän Ärmänstan däwlät başlığı Serj Sarkisyan problemanı tınıç maqsatlı yullar belän çişü niyätlären belderde.
Söyläşüneň här ike taraf öçen dä faydalı uzuın, dialognı däwam itterü qararınıň qabul itelüen äytkän ministr Lavrov: “Läkin şaytan neçkäleklärdä saqlana. İň möhim problemalar haman da çişelä alınmadı,” – dide.
Putin da: “Yaxşı niyät belän här mäs’älä çişelä alına, här ike il xalqında da bu niyätneň buluın küräm,” – dide häm taraflarnı aqıllı fiker yörtergä çaqırdı.
Azärbaycan däwlät başlığı İlham Aliyev ta Berläşkän Millätlär Oyışması İminlek şurasınıň ärmännär yawlap alğan Azärbaycan cirlärennän çigenü mäs’äläsendä xäzerge waqıtqa qadär 4 qarar qabul itüenä iğtibar cälep itep: “Qızğanıç, bu qararlar bügengä qadär çınğa aşmadı,” – dide.
Ärmännär Tawlı Qarabaxta çik buyınnan ütep kerergä tırışqannan soň 10 kön elek başlanğan bäreleşlärdä 18 Azärbaycan ğaskäriye şähit buldı, 5 ärmän ğaskäriye ülde.
Bäyläneşle xäbärlär
Putin Ciñü könendä çığış yasadı
Bügen Rusiyädä İkençe Bötendön’ya suğışınıñ tögällänüen bilgeläp uzalar
