AQŞ Ğiraqta operatsiya başlattı

İlbaşı Barak Obamanıñ pänceşämbe könne yasağan kisken çığışınnan soñ comğa könne Pentagon amerikan oçqıçlarınıñ “Ğiraq-Dimäşq İslam däwläte” (ĞDİD) oyışması pozitsiyäsen maqsat itep aluın belderde.

ĞDİD suğışçıları Ärbilgä artilleriya utın açqannan soñ hawa höcüme qararına kilende.

Amerikan saqlanu ministrlığı süzçese: "Amerikan personalı da urnaştırılğan Ärbil qalasına bombalaw başlanğannan soñ şähärne saqlawçı päşmärgälärgä yärdäm öçen hawa operatsiyäse oyıştırıldı”, - dip belderü yasadı.

İlbaşı Obama pänceşämbe könne ĞDİD “Ğiraq-Dimäşq İslam däwläte” suğışçıları Ğiraqnıñ tönyağındağı amerikan personalına yanağan oçraqta hawa höcümeneñ ütkärelüe wäqäläteneñ birelüen äytkän ide.