500 xatın-qıznıñ äsir itep alınuı alğa sörelä

Ğiraqta yäzidilär küpläp yäşäwçe Musulnıñ Sincar rayonın basıp alğan “Ğiraq-Dimäşq İslam däwläte” (ĞDİD) oyışmasınıñ yäzidilärdän 500 keşene üterüe, 500 xatın-qıznı da äsir itep aluı alğa sörelde.

Kördistan watanpärwärlär berlegeneñ yäzidi xalıq ışanıçlısı Fäyyan Dahil sişämbe könne Ğiraq parlamentında yasağan matbuğat belderüendä äsir itep alınğan xatın-qızlarnıñ Tälafärgä yaqın töbäklärgä alıp kitelüen äytte.

Yäzidilärgä qarşı genotsid yasaluın kisätüçe Dahil Bağdattağı üzäk xökümät belän Körd citäkçelegen yäzidilelärne şuşı naçar wazğiyättän qotqarırğa çaqırdı.