Liviyada soñğı wazğiyät

Liviyada oppozitsion qorallı törkemnär ilneñ ikençe zur şähäre bulğan Bingazine üz qullarına töşerülären citkerde.

İldä iminlek krizisı zurayğan waqıtta Bingazi häm Tripolidağı bäreleşlärdän qaçqan meñnärçä keşe Tunis çigenä ağıldı.

Liviyada Muammer Kaddafi 2011nçe yılda bärep töşerelgännän soñ barlıqqa kilgän iminlek buşlığı könnän-kön tiränäyä bara.

Ayıruça, cirastı çığanaqlarınıñ niçek bülenäçäge mäs’äläsendä kileşä almağan qorallı törkemnär arasındağı bäreleşlär bötenläy kontroldän çıqtı.

Bingazida qorallı ber törkem elekke General Halifä Haftar kontrolendäge ber xärbi bazanı qulğa töşerüen belderde.

Äl-Kaidägä bäyle buluı äytelgän suğışçılarnıñ Haftar küzätüendäge 5 xärbi bazanı üz kontrolläre astına aluı citkerelä.

General Haftarğa bäyle berleklärneñ Bingazi hawa mäydanın haman da kontrol astında totuları, läkin şähär üzägendäge pozitsiyalären yuğaltuları belderelä.

Tripolida da köndäş qorallı törkemnär arasında bäreleşlär däwam itä.

Ayıruça, şähärneñ könbatışındağı toraq punktları zıyan kürgän waqıtta tınıç xalıq bäreleşlärdän cäyäw qaça başladı.

Liviyadan qaçqan meñnärçä keşe Tunis çigenä ağıldı.

Çik buyındağı eteş-törteş arqasında xezmätkärlär Misır watandaşları da bulğan ber törkemgä ut açtı. Waqiğada 2 Misırlı yaqtı dönyadan kitte.

Çik buyı qapqasın yapqan Tunislı räsmi zatlar: “Etü törtülär iminlekkä yanağan oçraqta qalğan çik buyı qapqaların da yabarbız,” – kisätüen yasadı.

Liviyada portlarnıñ häm hawa mäydannarınıñ kübese bäreleşlär arqasında berniçä atna buyı yabıq tora.
Liviyada watandaşı bulğan illär dä evakuatsiya operatsiyase öçen eşkä kereşte.