İzrail utnı tuqtatu kileşüen bozdı

Ğazzädä Fälästin belän İzrail arasında iğlan itelgän humanitar yärdäm maqsatlı 72 säğatlek utnı tuqtatu bozıldı.

İzrail armiyase ut tuqtağannan 3 säğattän soñ Refah şähären bombağa tottı.

Höcümdä ülüçelär sanı 50gä citte.

Hamas ut tuqtağançı ber İzraille ofitsernı urlawın açıqladı, İzrail dä ber ofitsernıñ yuğaluın döresläde.

Amerikan däwlät särqätibe John Kerry tönge säğatlärdä açıqlağan utnı tuqtatu 3 säğat däwam itte.

İzrail Refah şähärenä oyıştırğan höcümendä distälärçä Fälästin keşesen üterde.

Soñınnan İzrail armiyasennän utnı tuqtatunıñ azağına yaqınlaşuı açıqlawı yasaldı. Berläşkän Millätlär Oyışması utnı qabat tuqtatırğa çaqırdı.

Ut tuqtağan säğatlärdä İzrail ğaskärläre Han Yunıs şähäre yanında öylärenä qaytqan Fälästinlelärne töşergän Anadolu agentlığın törkemenä ut açtı.

Höcümdä Anadolu agentlığı teleoperatorı Metin Yüksel Kaya ciñelçä yaralandı.

Däwamlı utnı tuqtatu öçen Misır başqalası Qahirädä cıyılış kötelä ide, cıyılış säğate haman da bilgesez.

İzrail oyıştırğan höcümnärdä xäzerge waqıtqa qadär ülgän Fälästinlelär sanı 1500gä, yaralanuçılar sanı 8 meñgä yaqınlaştı.