Äsäd küpläp üterlären däwam itterä

Süriyädä ilbaşı Bäşar Äsädkä bäyle armiya köçläreneñ törle şähärlärdä oppozitsionerlar kontrolendäge töbäklärgä cir östennän häm hawadan oyıştırğan soñğı operatsiyälärendä 11 e balalar, 6 sı xatın-qızlar , tuplam 63 keşeneñ ğomere özelde.

Süriyä ğomum inqilap şurası bu xaqtağı belderüendä bäysez Süriya armiyäsenä bäyle berleklärneñ Hamanıñ awıl cirlegenä oyıştırğan operatsiyädä 22 rejim ğaskäreneñ äsir itep alınuın citkerde.

Şura armiya boralaqlarııñ Xaleb, Xama, Xoms häm başqala Dimäşqtä oppozitsionerlar kontrolendäge töbäklärgä miçkäle bomba belän höcüm itü näticäsendä küp sanlı toraq punktnıñ zıyan kürüen belderde.

Süriyä räsmi xäbär agentlığı SANA iminlek köçläreneñ Xaleb, İdlib häm Xoms tiräsendä tormışqa aşırğan operatsiyälärdä küp sanlı qorallı törkemne tä’sirsez xälgä kiterüen citkerde.