İzrailneñ Ğazzägä höcümnäre däwam itä

İzrailneñ Ğazzägä höcümnäre däwam itä, höcümnärdä ülüçelär sanı 172 gä citte, 1250 tiräse keşe yaralandı.

Berläşkän Millätlär Oyışması Ğazzädä xäzerge waqıtqa qadär ğomere özelüçelärneñ 77 %ınıñ tınıç xalıqtan buluın , bolardan 36 sınıñ balalar buluın belderde.

Hawa höcümnären däwam itteräçägen belderüçe İzrail armiyäseneñ Ğazzäneñ tönyağında töbäkne buşatığız kisätüennän soñ meñnärçä ğazzäle yäşägän cirlärennän kitä.

Frantsiya tışqı eşlär ministrı Laurent Fabius İzrail belän Yordannıñ könbatış üzänlege arasında aşığıç räweştä utnı tuqtatu iğlan itü kiräklegen belderde, Angliya tışqı eşlär ministrı William Hague ta Ğazzädäge qırıslıqnı xäzer ük tuqtatırğa çaqırdı.

Höcümnärneñ küpme däwam itäçäge älegä bilgesez.