Somalidä bombalı höcüm
Somali başqalası Mogadişudağı parlament binası yanında bomba töyälgän maşina belän höcüm oyıştırıldı
118507
Xökümät çığanaqlarınnan alınğan mäğlümatkä kürä, parlament binasınıñ arttağı qapqasına taba xäräkät itkän bomba töyälgän maşina eçendäge intixar höcümçese tarafınnan şartlatıldı. Waqiğada, berençe mağlümatlärgä qarağanda, 4 keşeneñ ğomere özelgän, ber politsiya xezmätkäre belän bergä cämğise 3 keşe yaralanğan.
Waqiğa öçen cawaplılıqnı üz östenä aluçı älegä bulmadı.
Başqala Mogadişuda ike kön elek ber xalıq ışanıçlısı üterelgän höcüm öçen cawaplılıqnı üz östenä alğan “Äş-Şäbab” oyışması mondıy höcümnärneñ däwam itäçägen beldergän ide.
Uzğan may ayında parlament binasına höcüm yasalğan, xärbilär belän bergä 13 keşe häläq bulğan ide. Waqiğa öçen cawaplılıqnı “Äş-Şäbab” oyışması üz östenä alğan ide.
