Yaqın Könçığışta basım kütärelä

3 yähüd häm ber Fälästinle yegetneň ülemennän soň Yaqın Könçığışta basım kütärelä bara.

Gazzädä bilgele maqsatlarğa ut açqan İzrail çik buyına da ğaskärilärne urnaştırdı.

Gazzädän dä İzrailğa 6 raketanıň ırğıtıluı äytelde.

İzrail xäbär çığanaqları raketa höcümendä 1 ğaskärineň ciňelçä yaralanuın belderde.

İzrail ğomüm ştab başlığı Benny Gantz ta: “Kiyerenkelekne üsterü tügel, tınıçlıq ezlibez, läkin Hamas bezgä qarşı kilergä uylasa, äzer bulırğa tiyeş bez,” – dide.

Yaqın Könçığışta basımnıň kütärelüe xalıqara cämğiyätne dä eşkä kereşterde.

Awrupa Berlegeneň Tışqı säyäsät yuğarı wäkile Catherine Ashtonnıň süzçese Awrupa Berlegeneň Yaqın Könçığıştağı täraqqıyätlärdän borçu toyuın belderep, barlıq taraflarnı aqıllı bulırğa çaqırdı.

Süzçe 3 yähüd häm ber Fälästinle yegetneň üterelüen qırıs räweştä ğayepläwlären citkerde.

Angliya Tışqı eşlär ministrı William Hague ta İzrail Tışqı eşlär ministrı Avigdor Lieberman belän telefonnan küreşep söyläşte.

Hague söyläşüdä 3 İzraille häm 1 Fälästinle yegetlärneň üterelüennän cawaplı buluçılarnıň xökem itelüe zarurlığın assızıqlawların açıqladı.