OSCE illäre Ukrainanıñ cir bötenlegen yaqlıy
Azärbaycanda ütkärelgän Awrupa İminlek häm Xezmättäşlek oyışması (OSCE) Parlamentariylär assambleyası ğomum şura cıyılışı üz eşen tögälläde
Utırışnıñ soñğı cıyılışında Awrupa İminlek häm Xezmättäşlek oyışmasınıñ Parlamentariylär assambleyasına yaña başlıq saylandı.
Räis itep Finlyandiya wäkillege başlığı Ilkka Kanerva layıq dip tabıldı.
Cıyılışta Baqı deklaratsiyäse dä qabul itelde.
140 maddälek dokumentta Ukraina krizisına zur urın ayırılıp quyıldı.
Deklaratsiyädä Awrupa İminlek häm Xezmättäşlek oyışması illäreneñ Ukrainanıñ cir bötenlegen yaqlawına basım yasaldı.
Qayber illärdä yasalğan demokratiya häm keşe xoquqların bozu oçraqları mäs’äläsendä kisätülär dä yasalğan belderge küpçelek tawış belän qabul itelde.
Soñğı köndä Baqı deklaratsiyäsennän tış "Rusiyä Federatsiyäseneñ Xelsinki nigezlären açıq häm tupas räweştä bozuı” isemle qarar ölgese dä qabul itelde.
Bäyläneşle xäbärlär
Çilidä poyezd (поезд) qazası
Kön’yaq Amerika ile Çilidä yulçı poyezdı (пассажир поезды) yök poyezdı (йөк поезды) belän bäreleşkän
