İzraildän Gazzägä hawadan höcüm

İzrail suğış oçqıçları Gazzäneň tönyağında urnaşqan Beyt Hanun şähäre üzägendä urın alğan “Benat” töbägenä hawadan höcüm oyıştırdı.

Qayber öy häm eş urınnarına zıyan salğan höcüm igen basuların da maqsat itep aldı.

İkençe yaqtan İzrail armiyase tarafınnan yasalğan açıqlawda Gazzädän İzrailneň könyağına 2 raketanıň ırğıtıluı, alardan berseneň “timer gömbäz” isemle raketa saqlanu sisteması tarafınnan yuqqa çığarıluı belderelde.

İzrail politsiyaseneň açıqlawında isä Fälästinlelär tarafınnan ırğıtılğan ber raketanıň İzrailneň könyağındağı Sderot şähär üzägendä urnaşqan ber sänägät töbägendäge binağakilep töşüe näticäsendä 3 yähüdneň yaralanuı, yaralanuçılarnıň yaxşı wazğityättä buluı citkerelde.

İzrail citäkçelege 12nçe iyun könne Yordannıň Könbatış üzänlegendä yuğalğan 3 yähüd yegeteneň urlanuın däğwa itkän, bu mäs’älädä Fälästin citäkçelegen cawaplı totqan ide.

Älege keşlärneň tabıluı öçen İzrail Parlamentı armiyağa operatsiya başqaru belän ber rättän kiň qırlı wäqalätlär birde.