Awrupa Berlege- Ukraina, Moldova, Gruziya partnerlığı

Awrupa Berlege comğa könne Ukraina, Moldova häm Gruziya belän partnerlık kileşüen imzaladı.

Sovyetlar Berlegeneň 3 elekke äğzase Rusiyä Federatsiyaseneň reaktsiyasenä qaramastan Awrupa Berlege belän iqtisadi partnerlıknı sayladı.

İmza quyu tantanası öçen Brüsselğa barğan Ukraina däwlät başlığı Petro Poroşenko kileşüne “Rusiyädän bäysezlegebezne qazanğannan soň tarixtağı in zur täraqqıyät” itep taswirladı.

Ukrainanıň Awrupa Berlege häm NATO äzğalegenä qarşı çığuçı Rusiyä partnerlık kileşüe imzalanğan oçraqta iqtisadi çikläw qullanu belän yanağan ide.

Rusiyä Federatsiyase irekle säwdä kileşüen ğamäldän çıağaraçağın häm Ukraina mal-mölkäte öçen tamğaxanä salımın alaçaqların açıqladı.

İkençe yaqtan Ukraina armiyase belän Rusiyä Federatsiyase tarafdarı bulğan separatistlar iğlan itkän 1 atnalıq utnı tuqtatıp toru comğa könne azağına yaqınlaştı.

Xalıq aylar buyı däwam itüçe bäreleşlärdän qaçarğa däwam itterä.

Utnıň açıluına säğatlär qala Ukraina-Rusiyä çigendä ozın maşina çiratları barlıqqa kilde.

Separatistlar 26nçı may könennän birle äsir itep totqan 4 AGİT küzätüçesennän isä yaxşı xäbär alındı.

Aralarında törek diplomatı Mäxmät Kılıç ta bulğan küzätüçelär irekkä cibärelde.

AGİTnıň tağın 4 küzätüçese haman da separatistlar qulında.