Putin-Abbas söyläşüe

Rusiyä Federatsiyase däwlät başlığı Vladimir Putin räsmi söyläşülärdä qatnaşır öçen Mäskäwgä kitkän Fälästin ilbaşı Mahmud Abbas belän çärşämbe könne küreşep söyläşte.

Kreml matbuğat üzägendä yasalğan yazulı açıqlawğa kürä söyläşüdä ike il arasındağı mönäsäbätlär belän ber rättän regional’ häm global’ problemalar qaraldı.

Söyläşüdä Putin Yaqın Könçığıştağı wazğiyätkä basım yasap: “Qızğanıç, töbäktä wazğiyät yaxşırmıy. Sezneñ belän monda oçraşıp, älege wazğiyätne söyläşüdän häm normalläşügä qarağan adımnarnı bäyäläw mömkinlegen tabudan bik qanäğätmen,” – dide.

Abbas isä söyläşüneñ üzläre öçen bik qimmätle buluın assızıqlap: “Äytkänegezçä, töbäktä här ike ilne dä qızıqsındıruçı problemalar bar, läkin bezneñ östenlegebez – Rusiyä Federatsiyase belän bulğan ike yaqlı mönäsäbätlärebezne häm xezmättäşlekne üsterü,” – dide.

Mahmud Abbas Putin belän küreşep söyläşkänçe Premyer-ministr Dmitriy Medvedev belän dä küreşkän ide.