Ukrainada 2 ayda 423 keşe ülgän

Berläşkän Millätlär Oyışması Ukrainanıñ könçığışında 15nçe aprel belän 20nçe iyün arasındağı waqiğalarda tınıç xalıq belän bergä 423 keşeneñ üterelüen belderde.

Berläşkän Millätlär Oyışması İminlek Şurası Ukrainanıñ taläbe nigezendä ilneñ könçığışındağı täräqqiyätlärne bäyäläw öçen sişämbe könne cıyıldı.

Cıyılışqa videokonferentsiya ısulı belän totaşqan Berläşkän Millätlär Oyışması ğomum särkätibeneñ keşe xoquqlarınnan cawaplı urınbasarı Ivan Simonoviç Ukraina tarafınnan iğlan itelgän utnı tuqtatu häm tınıçlıq planınıñ uñay adımnar buluın äytte.

Simonoviç: "Qanunsızlıq cäyelergä däwam itä. Qorallı törkemnärneñ keşe xoquqların bozuı häm yasağan cinayätläre arta bara”, - dip äytte.

Simonoviç qurqu yäki sotsail-ekonomik problemalar arqasında il eçendä öylären taşlap kitüçelärneñ 46 meñnän kübräk buluın açıqladı.