Süriyädäge barlıq ximik qorallar tulısınça ildän çitkä çığarıldı
Bu xaqta Ximik qorallarnı tıyu oyışması ğomum mödire Äxmät Üzümcü belderde
105505
Süriyädäge ximik qorallarnı yuqqa çığaru barışı qısasında barlıq qorallar tulısınça ildän çitkä çığarıldı.
Bu xaqta Ximik qorallarnı tıyu oyışması ğomum mödire Äxmät Üzümcü belderde.
Üzümcü Süriyädäge ximik matdälärneñ soñğı öleşeneñ 23 nçe iyündä Lazkiye portınnan Daniya köymäsenä töyälüen citkerde.
Diñgez yulı belän İtaliyadağı ber portqa kiterelgän ximik matdälär biredä su kiñleklärendä yuqqa çığarılaçaq.
Ximik matdälärneñ ber öleşe isä Germaniya, Finlyandiya häm Angliyädäge qorlmalarda yuq iteläçäk.
Berläşkän Millätlär Oyışması Süriyäneñ ximik qoralların yuqqa çığaru öçen uzğan yılnıñ noyabr ayında wazifalandırğan Ximik qorallarnı tıyu oyışması yuq itü eşçänlegenä yaqınça 40 million yevro sarıf iteläçägen belderde.
