Dönyanıň iň zur teleskobı Çilida yasala
Teleskop ğaläm xaqında belenmägän küp mäğlümat biräçäk
Dönyanıň iň zur teleskobın Çilida oyıştırılğan tantanadan soň yasıy başladılar.
Teleskob urın alaçaq alan öçen Atacama çülendäge 3 meň metrlık Cerro Armazones tawınıň tübäse şartlatqıçlar yärdemendä cimerelde.
Şartlaw näticäsendä 5 meň m3 tiräse qıya kiskälände.
Älege urında berençe itep futbol mäydanı zurlığında nigez salınaçaq.
Soňınnan da teleskop urnaşaçaq gömbäz yasalaçaq.
Dönyanıň iň zur teleskobı ğaläm xaqında belenmägän küp mäğlümat biräçäk.
“Dönyanıň kük yözendäge iň zur küze” itep taswirlanğan Awrupanıň iň zur teleskobı 40 metr diametrlık közge belän 4 metr diametrlık yärdämçe közge yärdämendä çağıldıruçı teleskoptan tora.
Optik apparatlar häm antennaları da bulğan teleskop tanılğan Hubble teleskobınnan 16 tapqırğa yaxşıraq fotoräsemnär töşerä alaçaq.
2024nçe yılda qullanıla başlawı kötelgän zur teleskopnıň üzqimmäte isä 1 milliard dollardan artuı kötelä.
Bäyläneşle xäbärlär
"İzrailgä qoral satmağız"
Djozef Borrell İzrailneñ qulında qoral bulmasa ğına bombalawdan tuqtayaçağın belderde
İpi êçennän tıçqan qaldıqları çıqtı
Yaponiyada ber ikmäk peşerü şirkäteneñ tovarların kibetlärdän kire cıyalar
