İzrail 468 Fälästin keşesen qulğa aldı

Fälästindäge Äsirlär cämğiyäte tarafınnan yasalğan açıqlawda urlanuları äytelgän 3 yähüd yuğalğan 12nçe iyun könennän bügenge köngä qadär qulğa alınğan Fälästinlelär sanınıň 468gä citüe belderelde.

İzrail armiyase süzçese Avihay Adreay Twitter sotsial çeltärendä yasağan açıqlawında yäkşämbe kiçen Halil şähärendä Hamaska bäyle 7 oyışmanıň basıp alınuı häm 37 keşeneň saq astına alınuı citkerelgän ide.

İzrail citäkçelege 12nçe iyun könne Yordannıň könbatış üzänlegendäge Gush Etzion toraq punktında yuğalğan 3 yähüd yegeteneň urlanuın däğwa itkän, bu mäs’älädä Fälästin citäkçelegen cawaplı totqan ide.

Älege keşelärneň tabıluı öçen İzrail parlamentı armiyağa operatsiya ütkärü belän ber rättän kiň qırlı wäqalätlär birde.