Utnı tuqtatu planına Rusiya tarafdarları höcüm belän cawap qaytardı
Ukraina ilbaşı Petro Poroşenkonıñ tınıçlıq planı 27 nçe iyüngä qadär utnı tuqtatu iğlan itü häm suğışçılarnıñ qoral taşlawın taläp itä
Ukraina citäkçelegeneñ ber yaqlı utnı tuqtatu iğlan itüenä Rusiya tarafdarları qorallı höcüm belän cawap qaytardı.
Rusiya yaqlı separatist törkemnär Rusiya çik buyındağı Novoşaxtinksk töbägendäge iminlek noqtalarına awır qorallar belän höcüm itte.
3 ayrım höcümdä 9 Ukraina ğaskäre yaralandı.
Ukraina ilbaşı Petro Poroşenkonıñ tınıçlıq planı 27 nçe iyüngä qadär utnı tuqtatu iğlan itü häm suğışçılarnıñ qoral taşlawın taläp itä.
Planda Rusiya çik buyına 10 çaqrımlıq bufer töbäk qoru häm separatistlarnı yarlıqaw da küzdä totıla.
Rusiya yaqlı separatistlar älege plannı kire qaqtı.
Rusiya Federatsiyäse däwlät başlığı Vladimir Putin isä utnı tuqtatu planına yaqlaw kürsätte.
Putin yaqlarnı barlıq xärbi operatsiyälärne tuñdırırğa häm söyläşü östäle artına utırırğa çaqırdı.
Bäyläneşle xäbärlär
Putin Ciñü könendä çığış yasadı
Bügen Rusiyädä İkençe Bötendön’ya suğışınıñ tögällänüen bilgeläp uzalar