Paqıstanda törbägä bombalı höcüm

Alınğan mäğlümatkä kürä, şartlaw İslamabad şähär üzägenä 20 çaqrım yıraqlıqtağı Pindorian töbägendä urnaşqan Sufi Aziz Baba törbäsendä barlıqqa kilde.

Bomba yaqınça 250 keşe doğa cıyını öçen törbädä bulğan çaqta şartladı. Törbäneñ tışqı divarlarınıñ töbenä quyılğan 4 kilogramm awırlığındağı waqıtqa qarap köylängän bombanıñ şartlawı näticäsendä 35 keşeneñ yaralanuı belderelde.

Yaralanuçılardan altısınıñ xäleneñ awır buluı xäbär itelgän bulsa, höcüm öçen cawaplılıqnı üz östenä aluçı älegä bulmadı.

Paqıstan ğäskäre Tönyaq Väziristan töbägendäge “Taliban” lagerlarına hawa köçläreneñ yärdäme belän ber atna elek başlatqan häm äle dä däwam itüçe ciröste operatsiyäse näticäsendä 200dän kübräk suğışçını tä’sirsez xälgä kiterüen açıqlağan, terror oyışması da, moña suğış iğlan itep, qarşılıq kürsäteläçägen iğlan itkän ide.