Hollande häm Merkel Putin belän söyläşte

Frantsiya ilbaşı François Hollande häm Germaniya kantslerı Angela Merkel Rusiya Federatsiyäse däwlät başlığı Vladimir Putin belän telefonnan Ukrainadağı krizis xaqında söyläşte.

Hollande häm Merkelnıñ Putin belän söyläşüdä Ukrainanıñ könçığışında iminlek tä’min itü öçen bäreleşlärne tuqtatunıñ ähämiyätenä basım yasawı citkerelde.

İke lider Putinnı bäreleşlärne mömkin bulğan qadär iñ qısqa waqıtta tuqtatu öçen qorallı törkemnärne künderü yünäleşendä tırışlıq kürsätergä çaqırdı.

Yuğisä xalıqara cämğiyätneñ Rusiya belän mönäsäbätlärgä tä’sir itäçäk yaña çaralar küräçäge dä assızıqlandı.

Söyläşüdä Holande häm Merkelnıñ Putinnı Rusiya tabiği gazın Ukrainağa qudıru belän bäyle söyläşülärne qabat başlatırğa çaqıruı da citkerelde.