Süriyädä höcümnär däwam itä
Rejimğa bäyle köçlärneñ soñğı höcümnärendä 11 e balalar , 9 ı xatın-qızlar, tuplam 61 keşe hälaq buldı
99164
Süriyädä rejimğa bäyle köçlärneñ oppozitsionerlar kontrolendä bulğan töbäklärgä awır qorallar belän höcüm itüe näticäsendä 11 e balalar , 9 ı xatın-qızlar, tuplam 61 keşeneñ ğomere özelde.
Bu xaqta Süriyä Keşe xoquqları oyışması belderde.
Oyışmanıñ bu xaqtağı belderüendä Äsäd köçläreneñ miçkäle häm vakuumlı bombalar belän höcüm itüe citkerelde.
Süriyä cirle koordinatsiya komitetı armiya boralaqları häm suğış oçqıçlarınıñ Xalebta oppozitsonerlar kontrolendäge töbäklärne bombalawın , küp künä toraq punktnıñ zur zıyan kürüen belderde.
Süriya räsmi xäbär agentlığı SANA iminlek köçlärenä nigezlänep birgän xäbärendä armiyäneñ İdlib, Lazkiya, Xaleb häm Xomstağı operatsiyälärdä küp sanlı qorallı törkemne tä’sirsez xälgä kiterüen citkerde.
