Ğiraq Dimäşq İslam däwläte oyışması suğışçıları Bagdatqa yaqınaya

Ğiraqnıñ Musul qalasın üz kontrolenä alğannnan son könyaqqa taba yulın däwam itterüçe Ğiraq Dimäşq İslam däwläte oyışması suğışçıları Süriyäneñ Deir Ezzur şähären dä qamap aldı.

Neft töbäge bulğan Deir Ezzurnı qamap alu Ğiraq Dimäşq İslam däwläteneñ Ğiraqta basıp alğan töbäkläre belän Süriyädä üz kontrolendä bulğan töbäklärne berläşterü tırışlığı bularaq bäyälänä.

Ğiraq Dimäşq İslam däwläte oyışması suğışçıları Ğiraqta Bagdatqa şaqtıy yaqınaydı.

Suğışçılarnıñ Samarra qalasın üz çiklärenä quşu öçen soñğı äzerleklären başqaruı belderelä.

Bagdatta üzixtiyarilar Ğiraq Dimäşq İslam däwläte oyışmasına qarşı suğışu öçen xärbi berleklärgä ağıla.

Suğışçılar Musul uramnarında bäreleşlären däwam itterä.

Ğiraq Dimäşq İslam däwläte oyışması internet aşa citkergän belderüendä 1700 Ğiraq ğaskären üterüen däğwa itte.