Slavyanskta bäreleşlär däwam itä

Ukrainanıñ könçığışında urnaşqan Slavyanskta bäreleşlär däwam itä.

Ukraina armiyäse separatistlar urnaşqan urınnarğa awır qorallar belän ut açtı.

Pulyalar separatistlar küpläp urnaşqan Semyenovka häm Artema bistäläre belän bergä, şähär üzägenä , şulay uq çit il jurnalistları qaluçı qunaqxanä tiräsenä dä kilep töşte.

Artema bistäsendä yäşäwçelär pulyalarnıñ binalarğa da tiyüen belderä , bu höcümnärdä ülüçelär bulıp bulmawı älegä bilgele tügel.

Xökümät köçläre belän separatistlar arasında kiçä irtän kilep çıqqan bäreleştä qullanılğan pulyalar şähär üzägendäge balalar xastaxanäsenä dä tigän ide.