14 ildän 120 xalıq ışanıçlısı imzası

Awrupa-Urta diňgez keşe xoquqların yaqlaw oyışmasınıň Gazzädäge bülekçä başlığı Rami Abduh İzrailneň Gazzägä qarata qullanğan embargonı beterüe maqsatı belän başlatılğan imza kampaniyasın aralarında Angliya, Belgiya, Frantsiya häm İrlandiya da bulğan 14 ildän 120 awrupalı xalıq ışanıçlısı häm säyäsätçeneň qul quyuın äytte.

Abduh yasağan açıqlawında imza kampaniyasında qullanılğan ğarizanıň Awrupa Komissiyase, Berläşkän Millätlär Oyışması ğomüm särqätibe Ban Ki-Moon häm Awrupa Berlege tışqı eşlär ministrlarına cibäreläçägen belderde.

Hamas 2006nçı yılda saylawlarda ciňü yawlap, xaqimiyätkä kilgännän soň Gazzäne “doşman cirläre” bularaq iğlan itkän, töbäkkä hawadan ut açqan, cir östennän häm diňgezdän blokada astına alğan İzrail 2007nçe yılnıň iyun ayında Gazzäneň 4 çik buyı qapqasın yapqan ide. İzrail embargosı belän ber rättän 2013nçe yılnıň 3nçe iyul könge xärbi tüntäreleştän soň Misır citäkçelegeneň dä Refah çik buyı qapqasın yabuı häm tunnellärne cimerüe 1 million 800 meň Fälästin keşeseneň iqtisadi qıyınlıqlar kiçerüenä säbäp bula.