"Putinnıñ Qırım säfäre qotqı saluçı häm kiräksez"

Washington citäkçelege Rusiya Federatsiyäse däwlät başlığı Vladimir Putinnıñ Qırım säfärenä reaktsiya belderde.

Amerika däwlät departamentı süzçese Jen Psaki könlek matbuğat oçraşuında Putinnıñ Qırım säfären qotqı saluçı häm kiräksez dip bäyäläde.

Süzçe bu qısada Rusiyanıñ qanunsız adımnarın tanımawların assızıqladı.

Psaki Ukrainanıñ könyaq-könçığışında Rusiya yaqlı separatistlar säbapçe bulğan qırıslıq waqiğaların da ğayepläwlären citkerde.

Qorallı törkemnärgä möräcäğät itüçe süzçe alarnıñ Ukraina qanunnarın cirgä salıp taptawların häm üz qullarına alğan binalardan çigenergä çaqırdı.