Urta Afrika Cömhüriyätendä butalçıqlar

Xristiyan anti balaka suğışçılarınıñ küpläp üterüennän soñ Afrika tınıçlıq köçe ğaskärläre möselmannarnı tığız iminlek çaraları astında Banguidan çığardı.

Meñ 300 möselman äyberlären yök maşinalarına tutırıp, yäşägän cirlären taşlap kitte.

Xristiyan suğışçıları başqarğan küpläp üterü arqasında qaçaq wazğiyätenä kilgän möselmannar aylar buyı qurqıp, yäşäwlären, tormış iptäşläre, balalarınıñ üterelüen, öylären qaldırıp, kitüdän başqa çaraları bulmawın belderde.

Möselmannarnıñ Çad çik buyında urnaşqan 2 şähärçekkä barırğa uylawları citkerelde.

Banguida här kön diyärlek möselmannar üterelä, şähärdän kitärgä cıyınuçı yök maşinalarına da höcümnär oyıştırıla.

İslam Xezmättäşlek Oyışmasınıñ çınbarlıqlarnı öyränü öçen Banguiğa ber wäkillek cibärüe, sişämbe könne şähärgä ireşäçäk wäkillekneñ 3 kön buyı tikşerenü alıp baraçağı belderelde.

Urta Afrika Cömhüriyätendä dekabr ayınnan bügenge köngä qadär xristiyan suğışçıları oyıştırğan höcümnärdä yözlärçä möselman üterelde, 300 meñ keşe ildän kitärgä mäcbür qaldı.

Berläşkän Millätlär Oyışması ildäge waqiğalarnıñ etnik çistartu ülçämenä citüen açıqlağan ide.

Säyäsi küzätüçelär möselmannarnıñ tönyaqqa qaçuı belän Urta Afrika Cömhüriyäteneñ bülenüen citkerä.