Kärküktä saylaw üzägenä höcüm

Ğiraqnıñ Kärkük qalasında ber awıldağı saylaw üzägenä yasalğan qorallı höcümdä 6 ğäskärineñ häläq buluı belderelde.

Alınğan mäğlümatkä kürä, Kärkükkä bäyle Dakok rayonınıñ Tamur awılındağı saylaw üzägenä tanıqlığı bilgesez keşelär höcüm oyıştırdı. Höcümdä üzäkne saqlaw belän wazıyfalı 6 ğäskärineñ ğomere özelde. Waqiğadan soñ başqa höcümnärneñ yäşänmäwe öçen töbäktäge başqa saylaw üzäklärendä kiñ iminlek çaraları kürelde.

Ğiraqta parlament saylawları 30nçı apreldä ütkäreläçäk. Saylaw aldınnan watandaşlar tawış biräçäk üzäklärne iminlek köçläre saqlaw astına aldı. Läkin kürelgän çaralarğa qaramastan terror oyışmaları saylaw üzäklären maqsat itep alğan höcümnären däwam itterä.