Dön’ya matbuğatına küzätü 16.08.2021

Katarnıñ “El-Raya El-Katariye” gazetı “Taliban Qabuldağı däwlät başlığı sarayında” dip yaza.

Omannıñ “El-Vatan” gazetı “Äşräf Gani Äfğanstannıñ cimerelüe simvolı buldı” dip citkerä.

Ğıyraqnıñ “El-Zeman” gazetı Törkiyä ilbaşı Räcäp Tayyip Ärdoğannıñ “Äfğanstanda totrıqlılıq täêmin itelsen öçen Paqıstan belän bergä êşläyäçäkbez” digän süzlären alğı planğa çığara.

Nemeś telendäge dpa.de säxifäse yazğança, Germaniyä, Talibannıñ Qabulğa kerüen işetügä, andağı ilçelegen yabuın belderde.

ard.de säxifäse citkergänçä, Germaniyä häm dön’ya futbolınıñ legendası Gerd Müller wafat.

 zdf.de säxifäse xäbär itkänçä, Äfğanstannıñ başqalası Qabuldağı Germaniyä ilçelege xezmätkärläre häm ildäge başqa watandaşların alıp qaytu öçen Germaniyädän berençe oçqıç quzğaldı.

Franśiyäneñ “Le Figaro” gazetı Marokkonıñ tön’yağında urman yanğını çığuı turında citkerä.

“Le Monde” gazetı yazğança, Franśiyäxökümäte watandaşların Äfğanstannan çığaru öçen Berläşkän Ğaräp Ämirleklärendäge xärbilärgä östämä cibärde.

“ Le Parisien” gazetı xäbärenä qarağanda, Franśiyädä vakśina kartası kimendä 126 säwdä üzägendä mäcbüri bulaçaq.

İspaniyäneñ “El País” gazetı “Äfğanstan monnan soñ Talibannıñ qulına qaldı” dip yaza.

Argentinanıñ “Infobae” mäğ’lümat çarası citkergänçä, Qıtay Uxan’ laboratoriyäsennän Kovid-19 çığuın tikşerttermäw öçen belgeçlärgä basım yasıy.

“Telesur” beldergänçä, Venesuêla cir teträwdän zur zarar kürgän Gaitiğa 30 tonna gumanitar yärdäm cibärde.

Rusiyäneñ “İzvestiya” gazetı yazğança, ukrainalı säyäsät belgeçe Yuriy Romanenko AQŞnıñ Äfğanstannan qaçuınıñ Ukraina öçen sabaq bulırğa tiyeşlegen äytte.

Lenta.ru xäbärenä qarağanda, Rospotrebnadzornıñ yoğışlı awırular üzäge räise Hadijat Omarova koronavirus kiçerüçelärneñ öçtän bereneñ 3-4 ay ütkäç tä köndälek êşlären başqaru häm üz-üzlären qarawda awırsınuların belderde.

Tatarstannıñ “Tatar-inform” mäğ’lümat agentlığı franśuz telenä tärcemä itelgän tatar kitaplarınıñ Franśyädä satıla başlawın citkerä