Dön’ya matbuğatına küzätü 12.08.2021

Franŝiyaneñ “Le Soir” basması NASA isäpläwlärenä urın birä: “Bennu asteroidı Qoyaş sistemabızdağı iñ qurqınıç ike asterodtan berse.”

Şul uq ildä basıluçı “Le Monde” gazetı yazğança Aljirnıñ tön’yağın yuqqa çığaruçı yanğınnarda 69 keşe ülde.

Yordaniyaneñ “el-Düstur” basması beldergänçä İzrail bıyıl Könçığış Yerusalimda 81dän artıq bina cimerde.

Angliyada basıluçı bäysez ğaräp gazetı “el-Quds el-Arabi” citkergänçä İzrail häm Marokko citäkçelekläre başqala Rabatta xezmättäşlek häm kiñäşläşü kileşülärenä qul quydı.

Qatarda dön’ya kürüçe “el-Raye el-Qatariyye” basması xäbärenä kürä Qatar Ämire Şeyx Temim bin Xamed Al Sani yaña ilçelärneñ bilgelänüe belän bäyle qarar açıqladı.

Alman telendäge Bild.de xäbär säxifäse yazğança Berlinda şımçılıq kiyerenkelege küzätelä. Angliyaneñ Berlindağı ilçelek xezmätkäre Rusiyä agentı buluda ğayeplänep, qulğa alındı.

Handelsblatt.de internet säxifäse beldergänçä dön’yanıñ iñ zur portı bulğan Ninbo yabıldı. Şanxay şähäre yanındağı port koronavirus yoqtırğan ber êşçe arqasında yabıldı.

İspaniyaneñ “La Vanguardia” gazetı İspaniyaneñ üze yasağan berençe vakŝinanıñ sınap qaraluına röxsät birüen yaza.  

Infobae xäbärenä kürä Äfğanstanda Taliban 9 şähärne qulğa töşergännän soñ 1 ayda Qabulne izolyaŝiyaläp, 90 kön êçendä xaqimiyätkä kilä ala.

Venesuêlanıñ Telesur kanalı citkergänçä Gaitida ğomüm saylaw 7nçe noyabr’ğa kiçekterelde. 

TASS agentlığı 13 turist häm 3 êkipaj personalı bulğan Mi-8 törendäge boralaqnıñ Kamçatkada qatı töşep utıruı turında citkerä.  

Kommersant basması yazğança Çexiya Cömhüriyäte Rusiyä saqlanu çaralarınıñ iñ zur importçısı buldı.

İzvestia gazetı beldergänçä Rusiyä Federaŝiyaseneñ Ğadättän tış xällär ministrı Yevgeniy Ziniçev däwlät başlığı Vladimir Putinnıñ boyırığı belän Yakutistandağı urman yanğının sünderü töbägenä kitte.

Tatarstannıñ “Tatar-inform” mäğlümat agentlığı Tatarstan urmannarın aviapatrul’neñ küzätep toruı turında yaza. Urmannarda yanğın qurqınıçsızlığı qağıydälären bozğan oçraqta, watandaşlarğa 3 meñ sumğa qadär administrativ ştraf qaralğan.