Dönya matbuğatına küzätü 02.08.2021

“Tagesschau.de” xäbär itkänçä, Törkiyä,İtaliya, Greśiyädä urman yanğınnnarı däwam itä.

“Deutsche Welle” media oyışması Germaniyäneň ilgä kerü öçen koronavirus testı taläbe kertüen citkerä.

“nau.ch” AQŞ ilbaşı Djo Bayden Şveyśariyäne 1 nçe avgust milli bäyräme belän qotladı dip belderä.

“Äl-Raya Äl-Katariye” basması Xalıqara Katar êzläw - qotqaru törkeme komandasınıň urman yanğınnarın sünderüdä qatnaşu öçen Törkiyägä kitüe turında yaza.

“Äl-Zeman” xäbär itkänçä, AQŞ ilbaşı Djo Bayden “Ğıyraqtağı suğış missiyäbez bette, xärbi xezmättäşlekneň yaňa êtabı başlandı” dip belderde.  

“Äl-Vatan “ basması  Bötendönya sälamätlek saqlaw oyışmasınıň “Koronavrusqa qarşı êlegräk açıqlanğan saqlıq çaraları (bitlek, distanśiya h.b) “Del’ta” variantınıň taraluın tuqtatırğa mömkin” digän süzlären uquçıları belän urtaqlaşa.

“Le Monde” gazetı Franśiya xökümäte Kovid -19 belän bäyläneşle iq’tisadi yärdämnären diňgez ar’yağı töbäklärenä kürä köyläyäçäk.

“Le Figaro” basması Franśiya êçke êşlär ministrı Geral’d Darmanin bügennän başlap ğailädäge köç qullanuğa qağılışlı yaňa çaralar wäğ’dä itte dip yaza.

“Le Soir “gazetı yazğança, Marokko patşası üz ile belän Aljir arasındağı kiyerenkelekkä borçıla.

“Telesur” basması venesuêlalı sportçı Yulimar Rojasnıň sikerüdä uňışlı çığış yasap berençe olimpiada altın medale aluın häm dönya rekordı quyuın citkerä.

“El País” gazetı “Pfizer” häm “Moderna” Awrupa Berlegenä satqan Kovid -19 vakśinalarınıň bäyälären kütärdelär dip yaza.  

“EFE” agentlığı xäbär itkänçä, qayber töbäklärdä koronavirus yoqtıru oçraqları äle küp bulsa da İspaniyädä Kovid -19 nıň bişençe dulqını äkrenäyde.   

“İnterfax” agentlığı Rusiyäneň iň zur tabiği gaz şirkäte “Gazprom” 31 nçe iyül’dän başlap Awrupadağı Avstriya (Xaydaç),Germaniya (Rexden) ,Niderland( Bergermir) cir astı saqlağıçlarına gazın kimette dip belderä.  

“Kommersant” gazetı Mäskäw mêrı Sergey Sobyaninnıň “Koronavirus pandemiyäseneň Mäskäwgä üzqıymmäte 600 milliard sumnan arttı” digän süzlären uquçıları belän utaqlaşa.

“İzvestiya” gazetı AQŞ diňgez flotınıň Awrupa häm Afrikadağı komandirı admiral Robert Burk Qara diňgezdäge NATO köymäläreneň Rusiya flotına nindi şartlarda höcüm itä aluın aňlattı dip yaza.

“Tatar – inform” mäğ’lümat agentlığı xäbär itkänçä, koronavirustan tağın ber Rusiya vakśinası sınawları sentyabr’ ayında başlanırğa mömkin. “Betuvaks – Kov -2” vakśinasın êşläw 2020 nçe yılnıň cäyendä başlandı.