Dön’ya matbuğatına küzätü 28.07.2021

Yordaniyäneñ “el-Düstur” gazetı 225 fälästinle balanıñ Qorban bäyrämen İzrail törmälärendä ütkärüen citkerä.

“el-Quds el-Arabi” yazğança, ber yähüd gazetında Marokkonıñ İzrail öçen Afrikağa açılğan säwdä qapqası bula aluı turında fikerlär kiterelä.

 “el-Raye el-Qatariyye” gazetı  Katar ämire şäyex Tämim bin Xamed Al Sani belän Törkiyä ilbaşı Räcäp Tayyip Ärdoğannıñ strategik mönäsäbätlärne köçäytü xaqında söyläşüen xäbär itä.

Germaniyäneñ “Frankfurter Allgemeine Zeitung” gazetı yazğança, ildäge su basular iminiyät şirkätlärenä yaqınça 5 milliard yarım yevroğa töşäçäk

Dpa citkergänçä, Germaniyä xalqınıñ yartısı diyärlek koronavirusqa qarşı vakśina yasattı.

İspaniyäneñ “El Mundo” gazetı xäbärenä qarağanda, älege ildäge Kovid-19 oçraqlarınıñ 68%ın koronavirusnıñ Del’ta variantı alıp tora.  

Meksikanıñ “La Jornada” matbuğat çarası citkergänçä, Êkvador  “WikiLeaks”nı tözüçe Djulian Assanjnıñ watandaşlığın ğamäldän çığardı.

Kolumbiyäneñ “El Tiempo” gazetı “Peruda Pedro Kastillo çorı başlandı” dip yaza.

Rusiyäneñ “Ria Novosti” agentlığı citkergänçä, AQŞ ilbaşı Djo Bayden Rusiyäneñ Amerikada 2022nçe yılda bulaçaq kongress saylawlarına xäzerdän ük tıqşına başlawın belderde.

“Kommersant” gazetı Rusiyäneñ bozwatqıç häm qotqaru korabı  “Icebreaker 7” ne Törkiyä şirkäte töziyäçägen xäbär itä.

Franśiyäneñ “Le Parisien” gazetı yazğança, Polineziyağa säfär yasawçı ilbaşı Êmmanuêl’ Makron “Üzegez häm Franśiyä öçen vakśina yasatığız,”-dide.

“Le Monde” gazetı Parijdağı Çaomet zärqan kibeteneñ talanuın häm 2 million yevrodan artıq bäyädäge êşlänmälärneñ urlanuın xäbär itä.

Tatar telendäge “İntertat” êlektron gazetı başqala Qazanda xäläl tovarlar belän tanıştıruçı xalıqara “KazanSummit – 2021” forumı açıluı turında citkerä.