Дөнья мaтбугaтынa күзәтү - Dön’ya matbuğatına küzätü 01.07.2021
Кaйбeр чит ил бaсмaлaрынa күзәтү / Qayber çit il basmalarına küzätü
“äl-Düstur” gazetı (Yordaniya): İzrail xärbiläre Yordannıñ Könbatış üzänlegendä fälästinlelärne qulğa aluın däwam ittergän bulsa, Cänin qalasında (İzrail xärbiläre belän fälästinlelär arasında) qorallı bäreleşlär barlıqqa kilgän.
“äl-Quds äl-Arabi” (Soğud Ğäräbstanı): Yähüd bistäçelärneñ Fälästin cirlärendäge Asira äl-Kibliya awılına höcüm itüennän soñ kilep çıqqan waqıyğalarda İzrail xärbiläreneñ pulyası belän ber Fälästinle şähit buldı.
“äl-Raye äl-Qatariyyä” gazetı (Qatar): Törkiyä Qatardan vakśinaśiyälängän buluın kürsätüçe dokument belän kilüçelärne karantinğa almıyça yäki PŚR testı bulmıyça qabul itä.
Bild.de: Törkiyädä koronavirusqa qarşı öçençe doza vakśinaśiyäläw başlana. İkençe doza vakśina yasattırğan 50 yäş’tän olıraq keşelär häm sälamätlek saqlawçılar öçençe doza öçen yazıla alına.
Deutsche Welle: “Tour de France”ta (Franśiya velosiped turı) distälärçä velosipedçınıñ qaza yasawına säbäp bulğan tamaşaçı qulğa alındı.
Handelsblatt: AQŞ İlbaşı Djo Bayden ber universitet professorın Berlinğa ilçe itep bilgeläde. Bu räweşle Amy Gutman Waşington tarafınnan Germaniyağa atalğan berençe xatın-qız ilçese buldı.
El País (İspaniya): İspaniya Baş ministrı Pedro Sánchez: “Üz yazmışın bilgeläw mäs’äläsendä referendum bulmayaçaq. Berqayçan da”, - dip äytte.
El Mundo (İspaniya): Tikşerenülär tulısınça vakśinaśiyälänügä qaramastan Bötendönya sälamätlek saqlaw oyışmasınıñ bitlek kiyü mäcbüriyäten yaqlıy.
Infobae (Argentina): “Pan Amerikan” sälamätlek saqlaw oyışması Latin Amerikadağı häm Karip utrawlarındağı xalıq sanınıñ barı tik 10%ınıñ ğına “Kovid-19”ğa qarşı vakśinaśiyälängän buluınıñ qabul itelmäslek” buluın belderde.
France 24: (Fransiyada) turistlar öçen Kovid-19 testları 7nçe iyül’dän soñ tüläwle bulaçaq.
Le Soir (Bel’giya): Awrupa illäre arasındağı säyäxätlärdä qullanılaçaq vakśinaśiya kartası ğamälgä kerde.
Le Matin (Şveyśariya): Alman “CureVac” vakśinasınıñ êffektivlığı 48% bularaq açıqlandı.
RİA Novosti: Sankt-Peterburg politexnik däwlät universitetı ğalimnäre Moskova'da koronavirüs oçraqlarınıñ sentyabr urtasında iñ yuğarı noqtağa citä alaçağın uylıy.
İzvestiya: AQŞ İlbaşı Djo Baydennıñ milli iminlektän cawaplı urınbasarı Djayk Sallivan häm Germaniya saqlanu ministrı Annegret Kramp-Karrenbauer arasında uzğan söyläşüdä ike il öçen dä östenlekle mäs’älälär bulğan Rusiyä häm Qıtay söyläşelde.
Kommersant: NATO Ğomum särkätibeneñ Kön’yaq Qavqaz häm Urta Aziya süzçese Djäyms Appathurai Angliya êsmineśına Rusiyäneñ ut açuı waqıyğasına qaramastan NATOnıñ Qara diñgezdä buluın däwam itäçägen äytte.
Tatarstannıñ “Tatar-inform” agentlığı Tatarstan mäğarif häm fän ministrı İlsur Hadiullinnıñ “mäktäplärdä tatar telen uqıtunı ber säğätkä genä qaldıru telne mısqıl itü” dip äytkän süzlären citkerä.
Bäyläneşle xäbärlär
Dön’ya matbuğatına küzätü 27.08.2021
27nçe avgust könne çıqqan qayber çit il matbuğatı çaralarına küzätü