Дөнья мaтбугaтынa күзәтү - Dön’ya matbuğatına küzätü 08.06.2021

Le Soir: Bel’giya başqalası Bryussel’dä räsmilär 9nçı iyün’nän başlap xalıq küp bulğan häm säwdä üzäkläre urnaşqan uramnardan tış monnan arı bitlek kiyüneñ mäcbüri bulmayaçağın belderde.

Le Monde: Dön’ya külämendä Kovid-19: İspaniya çiklären vakśina yasattırğan turistlarğa yañadan aça.

France 24: Ber tikşerenügä kürä, poliśiya xezmätkärläreneñ yaqınça dürttä bersendä “üz-üzenä qul salu töşençäse” bar.

Äldustour: Livan: protestçılar neft’ häm êlektr özekleklärenä rizasızlıq belderü öçen yullarnı yaptı."

Älquds Älarabi: Fälästin azatlıq xäräkäteneñ kisätüläre okkupaśiya armiyasın Timer Gömbäz yağına barıp urnaşırğa häm Qudislelärneñ äzerlekläre bistäçelärne qotqı saluçı yöreşlären ğamäldän çığarırğa mäcbür itte.

Äldustour: Ğaräp ligası İzrailne Qudüs-Yerusalimdäge wazğiyätne kiskenläşteräçäk teläsä qaysı ber ğamäl mäs’äläsendä kisätte.

El País, İspaniya: İspaniya Awrupada säyäxät itä alu öçen sanlı sertifikatnı ğamälgä kertä.

La Vanguardia, İspaniya: İspaniya Baş ministrı Pedro Sánçez häm Kataloniya xökümäte başlığı Pere Aragonès yaña dialog häm kileşü etabın başlatu mäs’äläsendä kileşte.

El Comercio, Peru: Milli saylaw şurası Perudağı saylawdan soñ tawışlarnıñ 93.66%ınıñ sanaluın häm Pedro Kastillonıñ 50.18% häm Keiko Fujimorineñ 49.82% aluın belderde.

Tagesschau.de: Germaniyada pensiyağa çığu yäşe 68 bulırğa mömkin. Xalıq ışanıçlıları pensiya yäşe 68 bulmasa iq’tisadi krizisnıñ barlıqqa kiläçägen äytä.

Frankfurter Rundschau: Robert Kox institutı Germaniyada tora-bara tağın da äzräk yaña tör koronavirus (Kovid-19) oçrağınıñ buluın belderä.

TASS: Qıtay Koreya yarım utrawı probleması mäs’äläsendä Rusiyä Federaśiyase belän dialognı arttıruğa äzer buluın açıqladı.

RİA Novosti: Amerika Quşma Ştatları İlbaşı Djo Bayden, Ukrainalı wazıyfadaşı Vladimir Zelenski belän telefonnan söyläşep, üzen bu cäyen Waşingtonğa çaqırdı.

RBK: Rusiyäneñ Amerika Quşma Ştatları ilçelege AQŞnıñ Skandinaviyadağı “Arctic Challenge Exercise” künegülärendä qatnaşuın provokaśiya bularaq bäyäläde.

Tatarstannıñ “Tatar-inform” agentlığı Törkiyädä märxüm ğalim Nadir Däwlätneñ kaberenä taş quyıluın xäbär itä. Agentlıq beldergänçä, İstanbuldağı Färiköy ziratında märmär taşınıñ ber yağına “Qazan tatarlarınıñ ğorurlığı” dip yazılğan, ikençe yağına Qol Şärif mäçete yasalğan. 8nçe iyün’dä märxümneñ yaqınnarı, dusları, millättäşläre, xezmättäşläre, şäkertläre biregä doğa uqırğa cıyıla.