Dön’ya matbuğatına küzätü 31.05.2021

Yordaniyanıñ “el-Düstur” gazetı meñnärçä izrailleneñ qabat Netan’yaxuğa protest belderüen citkerä.

Ğaräp gazetlarınnan “el-Quds el-Arabi” yazğança, kiçä İzrail köçläre Livan çigennän êçkä kerep êzläw operaśiyäse uzdırıp çıqtı.

Katarnıñ “el-Raye el-Qatariyye” gazetındağı xäbärgä qarağanda, İzrail köçläre yaña tuğan bäbäyenä“Seyfü’l-Kudüs” (Yerusalimnıñ qılıçı) iseme quşuı öçen ber fälästinlene qulğa aldı.

Çilinıñ “La Tercera” gazetı yazğança, BMOnıñ keşe xoquqları yuğarı komissarı Mişel’ Baçelet Kolumbiyädäge protestlar waqıtında kilep çıqqan ülemnärne tikşerü öçen bäysez komissiyä tözelüen teläde.

Kolumbiyäneñ “El Tiempo” gazetı älege ilneñ velosipedistı Êgan Bernalnıñ 2021nçe İtaliya turında çempion buluın citkerä.

Nemeś telendäge Tagesschau.de säxifäse Germaniyädä koronavirus oçraqları sanındağı rekord kimü xaqında xäbär itä.

Şul uq ilneñ “Süddeutsche Zeitung” gazetı yazğança, Germaniyädä tüläwsez häm tiz koronavirus testı täq’dim itüçe üzäklärdä qanun bozular buluı açıqlandı.

Germaniyäneñ “Deutsche Welle” gazetı Törkiyä tışqı êşlär ministrı Mäwlet Çavuşoğlunıñ ike könlek räsmi säfär belän Greśiyägä baruın citkerä.

Franśiyäneñ “Le Monde” gazetı “İzraildä xökümät räise Bin’yamin Netan’yaxunıñ känäfiye, berlektäşläreneñ berseneñ başqa yaqqa küçüe arqasında, selkenä başladı” dip yaza.

France 24 kanalı Böyekbritaniyada xökümät räise Boris Djonsonnıñ yäşeren räweştä öylänüe xaqında citkerä.

Franśuz gazetı “Le Figaro” yazğança, Franśiyädä Kovid-19 vakśinası qadatu öçen çiratqa yazılu baliğ’ bulğan härkem öçen açıq.

Rusiyäneñ Regnum agentlığı xäbärenä qarağanda, Rusiyä tışqı êşlär ministrlığı ilneñ xalıqara bank sisteması SWİFTtan çığarıluı ixtimalına qarşı äzerleklär başladı.

RİA Novosti agentlığı Üzäk Afrika cömhüriyätendä bulğan şartlawda 3 Rusiyä watandaşınıñ ğomere özelüen citkerä.