Dön’ya matbuğatına küzätü 20.05.2021

Qatarda çığuçı “Al Raya” gazetı yazğança fälästinle ber räsmi zat İzrail höcümnäre arqasında humanitar yärdäm xezmätläreneñ Ğazzägä ireşterelüe öçen Qatar häm ğaräp illären yärdämgä çaqırdı.  

“Al-Quds Al-Arabi” basması beldergänçä Amerikalı parlamentariy Aleksandria Okasio-Kortez Kongressta İzrailğa qoral satışına qomaçawlaw tırışlıqların äydäp bara.

Şul uq basma yähüdlärneñ yawlaw astındağı Qudüs-Yerusalimda xristiyan din êşleklelärenä höcüm itüen citkerä.  

DW media oyışması xäbärenä kürä här yıl Daniya zurlığında yañğır urmanı yuqqa çığa.

İspaniyada dön’ya kürüçe “El Pais” gazetı yazğança İspaniya cämäğat’çelege häm Awrupadan kilgän basımnar näticäsendä İspaniya xökümäte Marokko aşa kilgän qaçaqlarnıñ kerüenä röxsät birde läkin şaqtıy balanıñ artta qaluı äytelä.

Venesuêlanıñ “El Nacional” basması beldergänçä ildä Kovid-19 arqasında yaqtı dön’yadan kitkän sälamätlek saqlaw xezmätkäre sanı 500dän arttı.  

France 24 televideniyese citkergänçä Awrupa Berlege çit illärdän kilüçe vakŝinalaştırılğan yulçılarnıñ ilgä kerüenä röxsät birä.   

Franŝuz telendäge “Le Figaro” gazetı xäbär itkänçä 2020nçe yılda bar dön’yada yortsız qalğan keşe sanı 55 millionğa citte.

Şul uq ildä çığuçı “Le Monde” basması yazğança izolyaŝiyağa qaramastan 2020dä Parij töbägendä hawa kerlelege yuğarı ide.

“İzvestiya” gazetı beldergänçä Rusiyä tışqı êşlär ministrı Sergey Lavrov AQŞ däwlät särqätibe Êntoni Blinken belän küreşep söyläşüen äytte.    

Tass agentlığı xäbärenä kürä Rusiyä Federaŝiyase Tışqı êşlär ministrlığı Tön’yaq Makedoniyadan ber rus diplomatnıñ ildän cibärelüenä cawapnıñ qaytarılaçağın belderde.

“Tatar-inform” mäğlümat agentlığı citkergänçä Qazan Sabantuyı 26 iyun’dä bula. Awıllarda, şul isäptän respublika şähärlärendä Sabantuyı 12-13 iyun’ könnärendä uzaçaq.