Dön’ya matbuğatına küzätü 29.04.2021

Deutsche Welle media oyışması beldergänçä soñğı räsmi mäğlümatlarğa kürä Germaniyadağı möselmannarnıñ sanı 5 million 500 meñgä citte.

zdf.de xäbär säxifäse yazğança Germaniyada xalıq sanınıñ yaqınça dürttän ber öleşe kim digändä vakŝinanıñ ber dozasın qadattı.

Ria Novosti agentlığı citkergänçä AQŞ ilbaşı Djo Bayden Rusiyä belän mönäsäbätlärdä kiyerenkelekne üsterergä tırışmawların äytte.

“Vedomosti” gazetı xäbärenä kürä Törkiyä 50 million doza Sputnik V vakŝinası belän täêmin itü öçen kileşügä qul quydı.

“Elqudus Elarabi” basması beldergänçä İran tışqı êşlär ministrı Cawad Zarif Yämändäge bäxäsneñ betüe öçen säyäsi çişeleş yaqlı buluların belderde.

Aljazeera citkergänçä İran belän atom-töş kileşü söyläşüläre däwam itkändä AQŞtan ber wäkillek kiläse atnada Yaqın Könçığışqa kitäçäk.

“Elraya” gazetı yazğança Qatar Ämire Şäyex Tamim bin Xamad Al Sani Hindıstanğa aşığıç mediŝina yärdäme cibärergä boyırıq birde.

İspaniyaneñ “El Mundo” basması xäbär itkänçä İspaniyada Hindıstan mutant virusı söräne salındı, şöbhälär bar läkin älegä bilgelänmäde.

Venesuêlada dön’ya kürüçe “El Nacional” gazetı Xalıqara Valyuta Fondı açıqlawına urın birä: “Venesuêla êşsezlek külämendä berençe urında.”

“Le Monde” basması beldergänçä AQŞta poliŝiya tarafınnan cirgä yatqırılğan ber keşe Djordj Floyd kebek yaqtı dön’yadan kitte.

France 24 televideniyese Franŝiyada bäxäs tudıruçı mäqalä yazğan 18 ğaskäri cäzağa xökem iteläçägen citkerä.

Şveyŝariyada basıluçı “Le Temps” gazetı yazğança italiyan bulğan 7 terrorçı Franŝiyada qulğa alındı.

“Tatar-inform” mäğlümat agentlığı xäbärenä kürä Qazanğa Tacikstan prem’yer-ministrı kilde.