Dön’ya matbuğatına küzätü 28.04.2021

Ğaräp telle basmalardan “Al-Quds Al-Arabi” yazğança, Soğud Ğaräbstanı täxet prinśı Möxämmät bin Sälman ileneñ İran belän yuğarı mönäsäbätlär urnaştırırğa teläwen äytte.

Şul uq “Al-Quds Al-Arabi” basması İrannıñ Amerika Quşma Ştatlarınnan êlekkege ilbaşı Donal’d Tramp çorında kertelgän barlıq sankśiyälärne beterergä çaqıruı turında yaza.

Nemeś telendäge “Deutsche Welle” gazetı citkergänçä, Germaniyädä cirle üzidarä mäçet tözeleşenä röxsät birmi. Xaylbron şähärendä älege ğıybadätxanä 7 yıl planlaştırılğan bulğan.

“Frankfurter Rundschau” gazetı Rusiyä däwlät başlığı Vladimir Putinnıñ Germaniyädä ber telekanal açarğa teläwen xäbär itä. “Putinnıñ maqsatı nindi?” digän soraw quyıla.

Bild.de säxifäse yazğança, Germaniyädä bitlek skandalı däwam itä. Sälamätlek saqlaw ministrlığı isemlegenä qarağanda, 40 deputat bitlek täêminatı prośessında rişwätçelektä ğayeplänä.

İspaniyäneñ “El Pais” gazetı Burkina Fasoda 2 ispan jurnalistınıñ üterelüen xäbär itä.

Franśiyäneñ “Le Monde” gazetı yazğança, Bötendön’ya sälamätlek saqlaw oyışması Kovid-19nıñ hind mutantınıñ kimendä 17 ildä kürelüen citkerä.

Şveyśariyäneñ “Le Matin” gazetı xäbärenä qarağanda, AQŞta qara tänle ber keşene poliśiyä muyın artınnan atıp üterä.

Rusiyäneñ “Kommersant” gazetı yazğança, tışqı êşlär ministrı Sergey Lavrov “Ukraina belän Donbassta suğışnı buldırmıy qalu mömkin häm buldırmıy qalırğa kiräk,”-dide.