Dön’ya matbuğatına küzätü 26.04.2021

Qatarda çığuçı “Al-Raya Al-Katariya” gazetı yazğança Törkiyä ilbaşı Räcäp Tayyip Ärdoğan häm AQŞ ilbaşı Djo Bayden ike il arasındağı xezmättäşlekne kiñäytü mäs’äläsendä kileşte.

Omanda dön’ya kürüçe “VATAN” basması beldergänçä AQŞ ilbaşı Baydennıñ genoŝid däğwalarınnan soñ Törkiyädäge AQŞ ilçese Tışqı êşlär ministrlığına çaqırıldı.   

Livanda basıluçı “El-Mustakbal” gazetı xäbärenä kürä Bagdattağı xastaxanä yanğını faciğasennän soñ Sälamätlek saqlaw ministrı häm gubernator wazıyfadan alındı, alar xaqında tikşerü êşe açıldı.

Alman telendäge Bild.de xäbär säxifäse citkergänçä Êntoni Xopkins 29 yıldan soñ “İñ yaxşı aktyer” nominaŝiyasendä Oskar bülägen aldı.

Deutsche Welle media oyışması xäbär itkänçä Germaniya Hindıstanğa koronavirus belän köräştä aşığıç yärdäm qısalarında kislorod êşxanäseneñ qorıluı öçen kiräk-yaraq cibärä.

Alman telendäge Spiegel.de internet säxifäse yazğança Oskar bülägen tapşıru tantanasında “İñ yaxşı fil’m” bülägen “Normadland” aldı.

France 24 televideniyese Franŝiyada başlanğıç mäktäp häm mäktäpkäçä balalarnıñ 4 atnadan soñ bügen qabat belem ala başlayaçağın citkerä.  

Şul uq ildä dön’ya kürüçe “Le Monde” basması beldergänçä Awrupa Berlege vakŝina qadatqan Amerikalı turistlarğa üz çiklären açarğa äzer.  

İspaniyaneñ “El País” gazetı citkergänçä Törkiyä Bayden tarafınnan güyä ärmän genoŝidınıñ qabul itelüen kire qağa, AQŞ ilçese Tışqı êşlär ministrlığına çaqırıldı.

RİA Novosti agentlığı xäbärenä kürä Rusiyä Federal’ Ğaläm agentlığı Roskosmos Angliyağa bäyle 36 êlemtä iyärçenen orbitağa çığardı.

“Kommersant” basması yazğança Rusiyä benzin importın waqıtlıça çikli ala.

Lenta.ru xäbär säxifäse beldergänçä Rusiyä tışqı êşlär ministrlığı süzçese Mariya Zaxarova Çexiya qulında Rusiyäne Vrbetiŝadağı şartlaw mäs’äläsendä ğayepläw öçen bernindi nigeznamäse bulmawın äytte.

“Tatar-inform” mäğlümat agentlığı xäbär itkänçä Tatarstan däwlät başlığı Röstäm Miñnexanov Tuğan tel köne uñayınnan respublika xalqın qotladı.