Дөнья мaтбугaтынa күзәтү - Dön’ya matbuğatına küzätü 31.03.2021

Elqudus Elarabi: İzrail, İrannıñ yanawların säbäp itep kürsätep, Berläşkän Ğaräp Ämirlekläre belän Baxreynğa säyäxät kisätülären yasadı.

Elraya: Qatar suriyälelärneñ mixnäten ciñeläytü öçen 100 million dollar külämendä yärdäm itü süzen birde.

Aljazeera: “Hamas”: “Teläsä qaysı ber sıltaw belän Fälästin saylawların kiçekterüne kire qağabız.”

El País (İspaniya): Bryussel’ (Awrupa Berlege) İspaniyadan kiñ qolaçlı häm masştablı êş reformasın taläp itä.

El Mundo (İspaniya): İspaniya watandaşlarınıñ (xärbi tüntäreleştän soñ êçke butalçılıqlarğa êtärelgän) M’yanmadan tizräk kitülären  teläde.

Telesur (Venesuêla): Venesuêla İlbaşı Nikolás Maduro: “Venesuêla häm Rusiyä strategik ölkälärdä 12 xezmättäşlek kileşüenä qul quydı”.

Deutsche Welle: “Biontex” qoruçısı häm citäkçese (törek ğalime) Uğur Şahin, Awrupada artqan koronavirus oçraqlarınıñ sanına iğ’tibarnı yünältep, quldağı vakśinalarnıñ bötenesen dä qullanırğa çaqırdı. Şahin cäy ayları öçen dä kisätte.

Süddeutsche Zeitung: “Astra Zeneka” vakśinası Germaniyada 60 yäş’tän ölkänräk buluçılarğa kiñäş itelde.

Welt.de: Süriyäle qaçaq Tareq Alaows rasaçı yanawlar arqasında “Yäşellär” partiyası öçen Federal Bundestaqqa namzätlegen kire aldı.

“Rossiyaskaya gazeta” (rg.ru): Rusiyä Däwlät başlığı Vladimir Putin Germaniya Kanślerı Angela Merkel häm Franśiya İlbaşı Êmmanuêl Makron belän “Sputnik V” vakśinasın, Ukrainanı häm Awrupa Berlege belän mönäsäbätlärne söyläşte.

Regnum: “The Hill” gazetı xäbär itüençä, Amerika Quşma Ştatlarınnan yaqınça 30 oyışma AQŞ İlbaşı Djo Baydennı Rusiyä belän konstruktiv dialogqa çaqırdı.

Kommersant: Rusiyä koronavirusqa qarşı dönyanıñ berence xayvan vakśinası terkälde.

Le Figaro (Franśiya): Kovid-19: Awrupada çik buylarında kontrollär arttırıldı.

Le Parisien (Franśiya): Kovid-19: Simerü küläme yuğarı bulğan illärdä koronavirus ülemnäreneñ tağın da kübräk buluı bilgelände.

France 24 (Franśiya): Serbiyada immigrañtlar vakśinaśiyäläw kampaniyasına kertelde.

Tatarstannıñ “Tatar-inform” agentlığı Rusiyä Federaśiyäseneñ Yekaterinburg qalasında tatar mädäni üzägeneñ açıluın xäbär itä. Agentlıq başqa ber xäbärendä isä Ul’yanovsk ölkäseneñ İnza şähärendä Tatar tele häm mädäniyäte köneneñ uzuı turında äytelä.